By: James Cornejo
“Ano
bang problema mo!?”
Limang
araw na ang lumipas nang makita kami ni Jeck sa bar na iyon. Ilang araw na din
itong hindi pumasok sa school. At lahat naman ng aming mga nakakasama noon ay
itinatanong ito sa akin. Pati sila mommy at daddy ay tinatanong sa akin kung
bakit hindi na daw pumupunta si Jeck sa bahay.
Ito
ang unang araw na nagkita kami ni Jeck at ganito pa ang nangyayari. Hawak niya
ang braso ko at animo’y kinakaladkad ako as if we are alone and no one can see
us. Mugto ang mata nito marahil ay hindi dahil sa pag-iyak kung hindi dahil sa
pagpupuyat at pag-iinom. Halata din dito ang pagbagsak ng kanyang katawan.
“May
kailangan kang malaman.” Tanging sagot nito sa akin at nakita ko nalang na
papalabas kami ng school.
Pinagtitinginan
na kami ng mga schoolmates namin. Para akong nakagawa ng kung anong kasalanan
na hinuli ng pulis at heto, dadalhin sa prisinto. Pero hindi ako pumayag at
nagpumiglas ako.
“Wala
na akong dapat pang malaman Jeck! Alam ko na lahat!” Sigaw ko dito nang
makakalas ako sa kanyang pagkaladkad sa akin. “Stop acting na tayo pa Jeck,
dahil hindi na, at hinding-hindi na ako magpapaloko sayo!”
Nagtatakbo
ako papalayo sa kanya at hindi na muling nilingon pa ito. Sa loob-loob ko’y
nasaktan ako dahil sa mga sinabi ko. Alam kong labag sa kalooban ko ang aking
mga sinabi kay Jeck, pero talaga nga yatang hindi ganoon kadaling kalimutan ang
mga nalaman ko dito noon. Kahit pa man walang confirmation galing dito’y sinabi
naman ni Zekiel sa akin ang totoo sa pamamagitan ng paghingi nito ng tawad sa
akin.
“DAMN
IT JAMES!!! BAKIT BA ANG HIRAP MONG PAGPALIWANAGAN!!” Hindi pa ako nakakalayo
nang marinig ko ang sigaw ni Jeck na ‘yon.
Nilingon
ko ito at nakita ko itong nakaluhod sa pathway at lumuluha. Nahabag ako sa
aking nakita, pero kailangan kong
magpakatatag. Kailangan kong ipakita kay Jeck na wala na siya sa akin kahit iba
naman ang sinisigaw ng puso ko. Kailangan kong...
Nasa
ganoong pag-iisip ako nang makita ko si Jeh na patakbong pinuntahan ang
kinaroroonan ni Jeck at hinayaan niya ito ng suntok. Hindi ko alam ang gagawin
ko, nagkusa nalang ang aking katawan na tumakbo din papalapit sa kanila at
pinigilan si Jeh sa balak nito.
“Tumigil
nga kayo! Putang ina naman oh!” Sigaw ko sa mga ito.
“Kung
ginugulo pa ng taong ‘to ang buhay mo! Pagbigyan mo ako! Isang suntok lang yan
James!” Mahanging sabi ni Jeh sa akin.
“Tumigil
ka na Jeh, utang na loob!” Sigaw ko dito. “At ikaw, kung ayaw mo ng ganitong
gulo! ‘wag ka nang lumapit sa akin! Dahil hindi ko na kayang makinig pa ang mga
kasinungalingan mo!” Baling ko naman kay Jeck.
“Suntukin
mo nalang ako pare! Mapakinggan lang ni James ang side ko!”
Natameme
ako sa sinabi ni Jeck, umiiyak itong parang nagmamakaawa kay Jeh na suntukin
nalang siya. Parang may kumurot sa aking dibdib at nagsabing kailangan kong
pakinggan ang side nito. Pero punong-puno nang alinlangan ang aking sarili kaya’t
tumayo nalang ako at inilayo si Jeh sa kinaroroonan ni Jeck.
“BESTFRIEND
KITA JEH! PERO IKAW PA ANG TRUMAYDOR SA’KIN!” Sigaw ni Jeck bago pa man kami
nakaalis sa kinaroroonan nito.
Nang matapos ang klase naming sa araw na iyon ay dali-dali akong umuwi
sa bahay. Dahil naandoon si Mena ay wala kaming tsansa ni Jeh na magkasama at may
date daw ang dalawa kaya’t minabuti ko na ring umuwi at makapagpahinga.
Habang nagda-drive pauwi ay ramdam ko ang kalungkutan sa aking sarili.
It felt like I was in the midst of something na alam kong hindi ko kayang
takasan. Parang may kulang sa akin, at alam kong si Jeck ‘yon. Alam ko din sa
sarili kong gusto kong makausap ito, pero dahil na din sa tayog ng pride na
pinapairal ko ay hindi ko magawa.
Nang malapit na ako sa bahay ay nakita kong may nakaupo sa labas ng
gate namin. Nakaputing damit at naka walking shorts. Nang nasa tapat na ako ng
gate ay agad itong tumayo at agad ko rin namang nakilala kung sino ito. Si
Zekiel.
“What the hell are you doing here!?” Agad kong salubong dito nang
makababa ako ng kotse.
“Nandito ako para magpaliwanag.” Nakayukong tugon nito sa akin.
“Magpaliwanag ng ano? Hindi pa ba enough na niloko ‘nyo ako ni Jeck! Diba
dapat masaya na kayo ngayon dahil finally! Magagawa nyo na ang gusto nyo,
without me interfering!” Inis kong wika dito.
Itinulak ako nito para mapasandal sa pintuan ng kotse at tinakpan niya
ang aking bibig gamit ang kanyang kaliwang kamay at ang kanan naman ay
hinawakan ang aking mga kamay para hindi ako makapagpumiglas.
“’yan kasi ang mali sayo James, hindi mo muna pinakinggan si Jeck, at
kung kani-kanino ka naniniwala! Sino bang boyfriend mo? He tried to talk to
you, he even stalked you para lang alam nya kung anong nangyayari sa buhay mo
habang wala siya sa tabi mo! Pero anong ginawa mo! Puro pag-iignora nalang ang
nalalaman mong gawin! Kaya naglakas loob akong pumunta dito dahil ayokong
nakikita ko si Jeck na ganon! Oo! Inaamin ko, nagpagamit ako kay Jeh! Dahil
minsan sa buhay ko, inasam ko si Jeck! Nang makita ko siyang luhaan at walang
mapuntahan, I took the chance to be with him, pero, putang ina, ikaw pa din ang
hinahanap nya! At hindi kita mabura-bura sa isip nya! Hindi kami nagkaron ng
relasyon ni Jeck, at hindi totoo ang nakinig mo sa record ni Jeh! Nakita mo ang
script, at nakapagpaliwanag sayo si Jeck pero hindi ka naniwala!” Mahabang sabi
nito kasabay ang pagtulo ng kanyang mga luha. “Nakiusap sa akin si Jeh na
aminin ko daw sayo na may relasyon kami ni Jeck. Kumagat naman ako at nagpaloko
sa kanya. Pero hindi ko kayang magsinungaling, kaya ang nasabi ko lang noon sayo
ay “sorry”. Pero naging padalos-dalos ka, sinaktan mo ako pero tinanggap ko ‘yon.”
Sabi pa nito habang lumuluha at naramdaman ko nalang na lumuwag ang paghawak
nito sa akin.
Hindi ako manhid para hindi malaman na totoo ang sinasabi ni Zekiel.
Para akong nabuhayan ng loob sa sinabi nito, at lalung lumakas ang urge ko para
makipag-usap na kay Jeck.
Dahan-dahan kong inalis ang pagkakahawak ni Zekiel sa akin. Sumunod
naman ito at inalalayan ko siya papasok ng bahay, para doon kami makapag-usap
ng ayos. Alam ko namang wala pa sina mommy at daddy kaya ayos lang na mag-usap
muna kami ni Zekiel.
“S.sorry.” Mahiya-hiya kong sabi dito nang makapasok kami at mai-upo ko
ito sa sofa.
“Huwag ka sa aking mag-sorry James, kay Jeck dapat.” Tanging tugon nito
sa akin habang pinapahid ang kanyang mga luha. “Inaamin kong naging pangahas
ako James, and am sorry about that. Pero hindi kalian man nagkaron ng
namamagitan sa amin ni Jeck. At...”
“Naniniwala ako sayo Zekiel.” Pagputol ko sa sinasabi ni Zekiel. Agad
din namang kumawala sa aking mga mata ang luhang akala ko’y noon ay ibinaon ko
na’t ipinangako ko sa aking sarili na ibibigay ko lamang ulit sa taong
nararapat iyakan. “And I’m sorry kung ikaw pa ang napagbuntunan ko ng galit
noon. Bulag ako sa katotohanan noon. Kahit naman siguro ikaw, kung ikaw ang
nasakalagayan ko ay ganoon din ang gagawin mo. What I heard kanina is enough to
know what’s true Zekiel. And I’m very, very sorry kung pinaghinalaan ko kayo at
inakusahan ng kung ano-ano. But I know it’s too late na para magkaayos pa kami
ni Jeck.”
“Never say late James, mahal na mahal ka ni Jeck at alam kong isang
text mo lang dito ay pupunta kaagad siya sayo. Ga’non ka niya kamahal James, at
hindi ka niya kayang ipagpalit kahit kanino.” Tugon nito sa akin.
“Ayoko muna Zekiel, nahihiya ako. Sobrang hiya, at hindi ko alam kung
paano pa ako haharap sa kanya.”
“Kung hindi ngayon, kailan pa James! Kapag nakagawa na ng masama si
Jeck?”
“Kailangan nating mag-usap.” Text ko kay Jeh nang makaalis ng bahay si
Zekiel.
Kinumbinsi lamang ako nang kinumbinsi ni Zekiel para makipagbalikan kay
Jeck, binigyan ko lang ito ng hindi siguradong sagot dahil hindi ko pa naman
din talaga sigurado kung ano ang gagawin ko. Ang tanging alam ko lang ay
kailangan kong makausap si Jeh.
Puro galit ngayon ang nararamdaman ko kay Jeh, gusto ko itong tirisin
ng pinong-pino na ‘yung tipong hindi na ito makakatayo. Sinabi ko din kay
Zekiel ang balak ko kay Jeh pero pinigilan ako nito. Sabi lang nito ay
makipag-usap daw ako ng ayos.
“Sige, right after ng date naming ni Mena, punta ako agad diyan sa
inyo.” Reply nito sa akin.
Hindi na ako nagreply pa sa sinabing iyon ni Jeh, bagkus ay nagkulong
nalang muli ako sa aking kwarto at nag-isip-isip.
Kung hindi dahil sa kanya! Okay sana
kami ni Jeck ngayon! Kung hindi dahil sa kanya, wala akong problema ngayon!
Tang ina ka Jeh! Hindi ko papalampasin ang ginawa mong katarantaduhan sa amin
ni Jeck! Sa isip ko at muling tumulo ang mga luha sa aking mata.
Jeck, sana, pagkatapos nito ay
tanggapin mo pa din ako, wag ka sanang bibitiw, mahal na mahal kita Jeck, at
ngayon ko lang na-realize ang mali ko, sana hindi pa huli ang lahat. Sana
masabi ko pa sayo ulit na mahal na mahal kita. Ako naman ang hindi susuko na
suyuin ka Jeck. Tanggapin mo lang ako ulit Jeck, gagawin ko ang lahat para
maging masaya lang tayong muli.
“Sabihin mo sa akin ngayon kung anong totoo Jeh.” Malumanay kong sabi
dito.
“Totoo?”
“Anong totoo sa relasyon ni Jeck at ni Zekiel?”
“Hanggang ngayon ba naman Ja...”
“Putang ina Jeh! Anong totoo!?” Nakasigaw ko nang pagpigil sa kung
anong kasinungalingan nanaman ang sasabihin nito.
“Ano ba naman ‘to James? Let me guess, may nagpunta dito at
pinasinungalingan ang sinabi ko sayo? James, kinig na kinig mo ang pruweba,
saan ka pa ba maniniwala James?”
“H’wag mo akong lokohin Jeh! Magsabi ka lang ng totoo, magiging okay
ang lahat!”
Tumawa ito ng pagak at nagsalita. “James naman, kung maniniwala ka sa
mga taong puro kasinungalingan lamang ang sasabihin sayo, it’s your choice.
Pero ang sinasabi ko sayo ay ang katotohanan lamang.”
“Ay, sorry, palibhasa kasi, may record ka ng mga sinabi ni Jeck.” Sarkastikong
kong tugon dito. “Well Jeh, sagutin mo
nalang itong tanong ko, bakit kailangan mong irecord ang mga sinabi ni Jeck? At
bakit parang alam na alam mo ang mga sasabihin nito?”
Napatahimik ito na parang nag-iisip ng kung anong kasinungalingan
nanaman ang kanyang ipapaliwanag sa akin. Pero hindi ko na hinyaang
makapagsalita pang muli ito.
“No answer Jeh? Kung wala kang magawang matino sa buhay mo, huwag buhay
namin ni Jeck ang sirain mo! Walang hiya ka! Pinapaniwala mo ako sa isang bagay
na hindi totoo! At ako naman itong si tanga, naniwala naman sayo! Kung nagawa
mong miserable ang buhay ko, mas gagawin kong miserable buhay mong hayop ka!”
Nang-gagalaiti kong sabi dito. “UMALIS KA DITO SA BAHAY KO! HAYOP KA!”
Ipinagtulakan ko siya papalabas ng bahay. Galit na galit ko itong
sinisigawan, minumura at itinutulak. Nagmamakaawa naman itong humihingi ng
permisong magpaliwanag pero hindi ko na siya hinyaang makapagsinungaling pa sa
akin. Wala akong maramdamang awa sa kanya. Puro galit lamang at galit lang ang
tanging sumakop sa aking isip.
“Tandaan mo ‘tong araw na ‘to James! Hindi kayo sasaya ni Jeck!”
Pagbabanta nito nang mapansin siguro nitong wala ng space para sa paliwanag
niya ang sumisidhing galit na nararamdaman ko.
“Talaga ba Jeh?” Pang-aasar ko pang lalo dito. “Well in that case, GO
AHEAD! AND GO TO HELL!!!!” Sigaw ko pa dito at itinulak ko na siya ng tuluyan
palabas ng gate namin.
Nang maisara ko ang gate ay wala akong naramdaman kundi ibayong saya na
sa wakas ay nailabas ko ang aking galit sa taong karapat-dapat kagalitan.
Si Mena! Biglang pumasok ang
pangalan ng aking bestfriend sa aking utak.
Agad kong kinuha ang susi ng aking kotse. Kailangan kong makita si Mena
at makausap tungkol sa boyfriend nya. Kailangan ko ding humingi ng tawad sa kanya
dahil sa naging affair namin ni Jeh na dulot ng kasinungalingang dinala nito sa
akin.
Dali-dali kong inilabas ang kotse at isinarado ang gate. Agad kong
tinahak ang daan patungo sa bahay nila Mena. Kinuha ko ang aking CP at hinanap
ang number ni Mena sa aking phonebook. Nang makita ko ito ay tinawagan ko ito.
“Hello Bes, napatawag ka?” Masiglang bati nito sa akin.
“Bes, papunta ako d’yan sa inyo ngayon. Labas ka na, medyo malapit na
ako.” Tugon ko dito.
“Bakit Bes? May problema ba?” Balik-tanong naman nito sa akin.
“Malaki Bes, d’yan nalang natin pag-usapan. Eto na ko, isang liko
nalang.” Tugon ko dito sabay putol ng linya.
Nang makaliko ako sa street nila Mena ay nakita kong papalabas naman
ito ng bahay
“May dapat kang malaman sa boyfriend mo, Bes.” Pagsisimula ko sa usapan
namin ni Mena nang makababa ako sa kotse.
“Kung ano mang sasabihin sayo ni James ay puro kasinungalingan lang ‘yan
Hon.” Biglang singit ng isang boses mula sa aking likuran.
“Mena, listen to me first.” Pagkuha ko ng atensyon ni Mena. “Am sorry,
dahil nagkaron kami ng relasyon ni Jeh behind your back. Niloko nya tayong
lahat. Pinaniwala niya tayon...”
Sinuntok ako ni Jeh sa likuran ko, humarap ako sa kanya at gumanti ako
ng suntok. Pinaulanan namin ang isa’t-isa ng palitan ng mga suntok. Para kaming
mga manok na nagsasasabing ni Jeh, puro mura sa isa’t-isa au binahaginan din namin.
Si Mena naman ay puro mga sigaw lamang nito ng paghingi ng tulong ang ginawa.
Naglapitan sa amin ang kung sino-sino mula sa street nila Mena.
Napakadaming taong dumagsa sa kinaroroonan namin ni Jeh, ang iba ay nagpunta
para maki-osyoso, ang iba naman ay para umawat. Nahawakan si Jeh ng isa sa mga
dumating habang ako naman ay nahawakan din ng isa.
“Putang ina ka Jeh! Matapos kong makisama sayo ng maayos, ganito pa ang
iginanti mo sa akin!” Sigaw ko dito nang hindi ko na maabot ng mga suntok ko si
Jeh.
“Hoy bakla! Kung hindi ka lumandi sa akin, edi sana hindi kayo nagbreak
ng jowa mo!”
“Huwag mong ibahin ang kwento ditong tarantado ka! Ikaw ang sumira ng
relasyon namin ni Jeck! Kung hindi mo ipinarinig sa akin ang record na ‘yon!
Okay sana kami ni Jeck ngayon!”
“Kasalanan mo pa din bakla! Naniwala ka!”
“Oh edi lumabas din ang totoo! Ikaw ang sumira, putang ina ka! Hayop ka
Jeh! Hayop ka!” Sigaw ko pa dito at inilayo na ako ng tuluyan ng lalaking
umaawat.
Nakita ko ang mga taong nakatingin sa akin, mga mapang husgang tingin
ang ipinabatid nila sa akin, at wala na akong magawa kundi ang yumuko at
mapahiya.
Hindi pa tayo tapos Jeh! Humanda ka!
Sabi ko sa aking isip habang higit-higit pa din ako ng lalakeng umawat sa
amin.
“Anong nangyari dito?” Narinig kong sabi ng hindi ko kilalang boses,
nilingon ko ito at nakita kong naka-uniporme na pang barangay tanod.
“Hulihin nyo po yang baklang yan! Nang gugulo dito sa bahay ng
girlfriend ko!” Si Jeh.
“H’wag kuya, etong gagong ‘to ang nang gulo dito, hindi ang bestfriend
ko. ‘yan ang hulihin nyo!” Pagsingit naman ni Mena.
Nilingon ko si Mena at nakita ko ang awa sa kanyang mga mata. Hindi ako
basagulerong tao, alam kong napuruhan ako sa ilang suntok ni Jeh sa akin. Pero
hindi ko na siguro ito naramdaman dahil na din napuno ako ng galit.
Binitawan naman ako ng lalakeng nakahawak sa akin kanina. Pero napayuko
nalang ako dahil na din nakatingin pa din sa akin ang mga taong naki-osyoso sa
away namin ni Jeh. Marahil ay dahil na din sa narinig nitong mga ito na bakla
ako kaya gan’on nalang ang panghuhusga nila sa akin.
“Bes, pasok ka muna dito sa loob. Gamutin natin ‘yang mga pasa mo.”
Alok sa akin ni Mena na hindi ko naman tinanggihan. Dahil na din sa hiya ko sa
mga taong nakapaligid ngayon sa bahay nila Mena, kaya pumasok na din ako agad
sa bahay ng mga ito.
“Bes, bakit hindi ako ang ipinadala mo sa barangay?” Agad kong tanong
dito ng makaupo kami sa sofa nila.
“Dahil alam kong nagsasabi ka ng totoo kanina Bes. And besides, ang
best friend, hindi napapalitan, ang boyfriend, mabilis lang ‘yan.” Sabi nito
sabay ngiti sa akin. “Akin na nga yang sugat mo, bes, gagamutin ko na.” Sabi pa
nito at agad din naman akong lumapit sa kinaroroonan niya.
Ginamot ni Mena ang mga pasa ko at mga sugat na natamo ko dahil sa “square”
namin ni Jeh. Brave lady si Mena, hindi man lang ito nagpakita ng kahit anong
emosyon sa akin dahil sa nalaman nito tungkol sa boyfriend niya. Sinabi ko sa
kanya lahat ng nangyari pamula nang maghiwalay kami ni Jeck.
“Do you want me to call Jeck?” Tanong nito sa akin matapos kong
maikwento sa kanya lahat.
“Huwag na Bes. Nakakahiya na sayo. Ang laki na ng naitulong mo sa akin.”
“Nahihiya ka d’yan, eh kung sinasampal kaya kita! Eto na, tatawagan ko
na.” Nakangiting balik nito sa akin.
...itutuloy...
Thank you, James sa chapter na ito! Inabangan ko talaga 'to. Silent reader ako pero pagkakataon ko na ring mag-react kasi nagustuhan ko ang chapter na ito kahit bakbakan! Kawawa ka talaga dito. Ikaw pa ang pinahiya talaga ni kapalmuks Jeh. Nainis kasi ako kasi ikaw pa ang talagang tinawag na BAKLA ng hinayupak na si Jeh eh siya naman 'tong lumandi sa 'yo.
TumugonBurahinSana agaran ang Chapter 34!
- Jhan, the emailer about the lost chapter.
next na po mr otor galing ng magbest friend. been reading this story at ngayon lang ako nagcomment.
TumugonBurahin---januard
wth..sabi ko na eh....si jeh ang may pakana...grabe nman...masunog ka sa impyerno jeh...wala kang kwentang tao...isa kang ipis na dapat tapakan hanggang mamatay...wala kang konsensya...wahahahaha
TumugonBurahinnext na...hehehe
hala! baka huli na ng lahat? ayyyayayayyy! wag naman sana..
TumugonBurahin